Caighdeáin seirbhíse
Is é príomhsheirbhís na hOifige ná dearbhú neamhspleách a sholáthar do Dháil Éireann maidir le hiniúchtaí airgeadais agus tuairiscí ar ábhair ar nós luach ar airgead.
Agus muid ag tabhairt faoin ról seo, déanaimid idirghníomhú le comhlachtaí a ndéantar iniúchtaí orthu chun an tseirbhís is fearr is féidir a chur ar fáil dóibh, agus ag an am céanna cabhrú le Dáil Éireann ina ról le comhlachtaí a ndéanaimid iniúchtaí orthu a thabhairt chun cuntais.
Agus muid ag seachadadh ár seirbhíse, táimid tiomanta don mhéid seo
- freastal ar leas an phobail de réir ár sainordú reachtúil
- iniúchtaí de réir na gcaighdeán cuí iniúchóireachta
- cloí le cóid chuí eitice agus caighdeáin iompair
- bheith cuiditheach agus riachtanais agus spriocanna na gcomhlachtaí a ndéantar iniúchtaí orthu a aithint
- ár gcuid oibre a dhéanamh ar bhealach éifeachtúil.
Seirbhísí nach gcuirimid ar fáil
Mar gheall ar ár sainordú reachtúil agus caighdeáin iniúchóireachta, ní dhéanaimid an méid seo
- seirbhísí a chur ar fáil don phobal go díreach
- seirbhísí a chur ar fáil nach mbaineann le ráitis airgeadais a iniúchadh nó luach ar airgead a mheasúnú
- ráitis airgeadais a ullmhú do chomhlacht a ndéantar iniúchtaí air
- seirbhís sainchomhairleoireachta a chur ar fáil
- tuairim a thabhairt maidir le héifeachtacht na rialuithe inmheánacha i gcomhlachtaí a ndéantar iniúchadh orthu
- iarraidh cásanna calaoise a shainaithint (cé go bhféadann siad seo teacht chun solais le linn iniúchta).
Cén chaoi le haiseolas a thabhairt dúinn
Féadtar ábhair imní a ardú maidir le rudaí, amhail
- moilleanna le d’fhiosruithe agus iarratais a fhreagairt
- láimhseáil ag, nó iompar ó bhall foirne
- loiceadh cloí leis na rialacha agus nósanna imeachta mar is cuí.
Má tá aon ábhair imní agat, nó má tá tú míshásta faoinár seirbhísí ó lá go lá, pléigh é seo ar dtús leis an duine a raibh tú ag plé leo, nó leis an Iniúchóir Sinsearach ar an gcéad dul síos, agus déanfaimid iarracht d’ábhair imní a réiteach láithreach.
Má tá ábhar imní agat, nó má tá tú míshásta lenár seirbhís go ginearálta, molaimid duit teagmháil a dhéanamh linn ar na bealaí seo
Fón:
(01) 863 8600
Ríomhphost:
customerservice@audit.gov.ie
Seoladh Poist:
Rúnaí Príobháideach
Oifig an Ard-Reachtaire Cuntas agus Ciste
3A Sráid an Mhéaraigh Uachtarach
Baile Átha Cliath 1 D01 PF72
Freagraí ar ábhair imní
Admhóimid go bhfuarthas do chomhfhreagras laistigh de 7 lá oibre.
Déanfaimid scrúdú ar na hábhair imní uile a ardaítear i leith ár ngealltanais seirbhíse agus iarrfaimid freagra a thabhairt ar an ábhar substainteach chomh luath agus is atá praiticiúil. Tá sé mar aidhm againn freagra a thabhairt laistigh de 30 lá, ach i gcásanna áirithe, féadfaidh sé go dtógfaidh sé seo níos faide.
Cabhraigh linn ár seirbhís a fheabhsú
D’fhorbraíomar ár gcaighdeáin seirbhíse trí phróiseas comhairliúcháin le comhlachtaí a ndéantar iniúchtaí orthu. Táimid tiomanta do thabhairt faoi shuirbhéanna um shásamh ó am go ham chun measúnú a dhéanamh ar ár bhfeidhmíocht fhoriomlán. Táimid tiomanta chomh maith dár n-aschur a fheabhsú agus is mór linn do thuairimí faoin gcaoi a bhféadfaimid feabhsú. Bainfimid úsáid as do chuid tuairimí le cinntiú go bhfuil an caighdeán is airde i gceist leis na hiniúchtaí a dhéanamid.
